- Wardi Abdellatif <!-- admitad.banner: 3785j823mq0e321a0c2116525dc3e8 Aliexpress INT --> <a href='https://alitems.com/g/3785j823mq0e321a0c2116525dc3e8/?i=4' rel='nofollow' target='_blank'><img alt='Aliexpress INT' border='0' height='125' src='https://ad.admitad.com/b/3785j823mq0e321a0c2116525dc3e8/' width='125'/></a> <!-- /admitad.banner -->
شارك المقالة
#كولشي_كيحرك_هاد_الايام_واللعب_مطلوق_فالشمال
فهاد الآواخر الرأي العام المغربي والمجتمع الفايسبوكي ولينا كنشوفو كلشي كيدوي على الحريگ بقضية التساهل والتغاضي على رحلات المهاجرين السرية من طرف الحكومة المغربية !
المهم لي خص الجميع يعرفو وهو ان الداخلية ديالنا ماشي بليزير منها طلق اللعب لولاد الشعب يزطمو فحالهم وإنما العديد والعديد من الدوافع السياسية والمشاكل الدبلوماسية لي خلاتهم يفتحو الباب ضد فشي وحدين !
أولا إيطاليا ،وكما كايعرف الجميع ان الحكومة الأخيرة المدعمة من طرف حزب الشمال اليمني حلفات بحلوفها مايبقا يحط شي مهاجر افريقي رجليه على اراضيها، زائد أنها حبسات قوارب إنقاد المهاجرين المدعمة من جمعيات خيرية دولية وطرداتها من موانئها بشكل نهائي ، يعني شي افريقي يحط رجليه فالبحر قاصدنا والله مانرحموه ، موتو ! وبهاد السياسة والضغوطات ديالهم على الليبين قدرات تقلص مستوى الهجرة لأراضيها ب 80% وبها معبر البلقان صافي غايتنسا ! شنو البديل فنظر الماما افريكانز ؟ بطبيعة الحال غايجاوبك مونامي بالسواحل المغربية نواحي سبتة ومليلية .
إسبانيا دارو المزيان ووزير الدخلية ديالهم خرج بتصريح وأنه اسيدي الإتحاد الأوروبي لازمو دماء جديدة وبما أنه عندنا مشكل فالنمو الديموغرافي غايبقا لينا الحل هوا فتح المجال للمهاجرين الأفارقة ! جاوبوه مجموعة من الدول لي محاملينش شي حاجة سميتها مهاجر والتي من بينها (الألمان ، النمسا ، إيطاليا ) انه الحكومة الإسبانية تشجع على الهجرة الجماعية و التي تسبب لنا مجموعة من المشاكل ..
جاوباتهم الخارجية الاسبانية ان هادي اولا ماسميتهاش
جماعية بحيث استقبلنا غي 20 ألف مهاجر في وطن يحتوي 40 مليون نسمة وان اوروبا في حاجة لهاد الناس.
اوا مور هاد التشجيع الإسباني للهجرة الإتحاد الأروبي غايقول ان الحل هوا تفاوضات مع مول الساروت والباب الرئيسي لي هوا الداخلية المغربية ! والعرض كان هو ابرام اتفاق بين الإتحاد الاوروبي والمغرب على اساس استقبال ليزافريكان فالمغرب وإدماجه دون ان يسعى الى مواصلة طريقه نحو اوروبا ! هاد العرض راماشي غي اليوم را مدة د 15 سنة وهوا مطروح الا ان المغرب دائما كايجاوبهم بلي حنا ماطفرناه معا دياولنا بقا نزيدو ليزافريكان زائد ان هاد الإتفاق غايحل مشكلكم ويخلق لينا مشاكل مع الدول الإفريقية وحنا مناقصينا مشاكيل وعارفينا كانسعاو فقضية الصحراء والا خصرنا الخاطر مع شي حد غايخورنا فالصوت ديالو. مهم بدا كايبكي واحد الوقيتة الإتحاد الاوروبي حط ليهم الدولار فوق الطبلة وقاليه هاك و مسح علينا دموعك ، عندها قالهم دابا مزيان و بدات فترة تسوية الأوضاع وسدو جميع المنافد دالعبور، راكم باقي تعقلو العام الفايت فاش كانو بداو فمشروع دالتسوية ويعطيو لوراق لبني جلدتنا من الأفارقة والبق مايزهق فالحدود . المهم لابنومون لي عطاهم الاتحاد سالات بالزربة .البلان مامخرجش المغرب بداو شكايات كثيرة من الشعب والمشكل دالعصابات السوداء ومعركة ولاد زيان امام المحطة ....
هاد ليام الحكومة رجعات اللور فكرات مزيان بلي القضية حماضت و ليزافريكان ولاو كيدييرو مظاهرات و كيطالبو بالحق بالسكن و العيش الكريم و التعليم و الصحة ... لي اصلا ولاد البلاد و مكيتوفروش على هاد الحقوق فبلادهم... الامور غاذا وكاتزيد تصعاب فالمجتمع المغربي بوجود المهاجر الإفريقي وكذا البطالي المغربي أكثر من ذلك بعض العلاقات الأفريمغربية على المحك يعني بقات ليهم بونت ويقلبو الطابلة ، هادشي كولو باش تبقا لاليمان وطاليان فخاطرها ؟ بقات الداخلية المغربية كاتسنا شي بلان تحيد بيه الساقطة وتفرع الباب ... السبليون ماتعطلوش بالتصريح لي قلت لكم الفوق ، دياولنا لقاوها سمن وعسل فرعو ديلمو داك الباب وطلقو اللعب ورا هاد ليام الناس كتمشي أفواجا فأفواجا غي هوا ماتسناوهمش يعيطو من صومعة الحسن الثاني " يا أيها الناس الهربة لمن استطاع " لا را نهار يديروها غايبقا غي المؤذن و محمد سيس ناوي على شي حاجة طلع قلب على راسك لامارين د سبليون رامساعدة، والمخزن طالق اللعب زير السمطة وتوكل عالله ...

ليست هناك تعليقات:

إرسال تعليق

يمكنكم الانضمام الى متابعينا في مختلف مواقع التواصل الاجتماعي للتوصل بكل جديد مدونة اليازبرو في مختلف المواضيع التقنية اليومية

في الموقع الان

نموذج الاتصال

الاسم

بريد إلكتروني *

رسالة *

الصفحات